(...)
Eu son o Señor e non hai outro, fóra de min non hai deus.
Ameite, aínda que non me coñecías,
para que se saiba desde o nacente ó solpor que non hai cousa sen min.
Eu son o Señor e non hai outro,
o que forma a luz e crea a tebra,
o que fai a felicidade e crea a desgraza.
Eu, o Señor, o que fago todas estas cousas.
Ceo, fai caer desde arriba; bóveda celeste, bota para abaixo a xustiza,
que a terra se abra e dea como froito a salvación, que a xustiza faga brotar a felicidade.
Eu, o Señor, son quen a crea.
¡Ai do que preitea con quen o formou! ¡Ai do cacharro que preitea con quen o fixo do barro!
¿Dille a ola a quen a formou: "¿Que fas? ¡A túa obra non ten xeito!"
¡Ai de quen lle di ó pai: "¿Que xeraches?", e á súa nai: "¿Que deches a luz?!"
Así fala o Señor, o Santo de Israel, o que o formou:
"¿Ídesme pedir contas do futuro dos meus fillos, e ides dar ordes sobre a obra das miñas mans?
Eu fixen a terra e creei o home sobre ela.
Eu, coas miñas propias mans estendín o ceo, deilles ordes a todas as súas constelacións.
(...)

Libro de Isaías, s. VIII a. C.

MÚSICA: Antonio de Cabezón - Pavana con su glosa, interpretada por Capella Virelai
youtu.be/LUP8sb9gfL4

Loading comments...

Loading contexts...

Make:	NIKON CORPORATION
Model:	NIKON D3100
Exposure:	0.017 sec (1/60)
Aperture:	f/5.6
ISO Speed:	3200
Focal Length:	55 mm
Lens:	18.0-55.0 mm f/3.5-5.6